მცირე და საშუალო საწარმოების გაციფრულების მხარდაჭერა
პროგრამის მიზანი:
პროექტის მთავარი მიზანი გაციფრულების გზით მცირე და საშუალო ბიზნესის პროდუქტიულობისა და ეკონომიკური შესაძლებლობების გაზრდაა. ასევე, პროექტის კონკრეტული მიზნები მოიცავს მცირე და საშუალო ბიზნესის მიერ გაციფრულების მიმართულებით განხორციელებული ინვესტიციების გაზრდას და მათი ბიზნეს პროცესების ყოველდღიურ მართვაში ციფრული ინსტრუმენტების მეტად ჩართულობას.
პროგრამის მოკლე აღწერა:
მცირე და საშუალო საწარმოების გაციფრულების მხარდაჭერა სააგენტოს „აწარმოე საქართველოში“ ახალი სამწლიანი პროექტია. ინიციატივა ხორციელდება ევროკავშირის დაფინანსებით და სააგენტოს რეგიონული საკონსულტაციო ცენტრების საქმიანობის ფარგლებში.
პროექტი ითვალისწინებს გაციფრულების სარგებლიანობის შესახებ მცირე და საშუალო მეწარმეთა ცნობიერების ამაღლებას, მათი ციფრული უნარების გაუმჯობესებას და ციფრული ინსტრუმენტის/გადაწყვეტის შესაძენად და დასანერგად 25,000 ლარამდე ოდენობის გრანტის გაცემას.
პროგრამის სამიზნე ჯგუფი და გეოგრაფიული არეალი:
- მცირე და საშუალო ბიზნესი
- პროგრამა ხორციელდება საქართველოს ყველა რეგიონსა და თბილისში
პროგრამაში მონაწილეობის კრიტერიუმები:
- მიღებული შემოსავალი ბოლო ორი კალენდარული წლის განმავლობაში თითოეული წლის მანძილზე არის 30,000 ლარიდან 10,000,000 ლარამდე;
- დარეგისტრირებულია მეწარმედ პროექტში ჩართვამდე მინიმუმ 2 კალენდარული წლით ადრე;
- არ არის სახელმწიფოსა და მუნიციპალიტეტის, აგრეთვე სს „საპარტნიორო ფონდის“ მიერ პირდაპირი ან არაპირდაპირი წილობრივი მონაწილეობით შექმნილი იურიდიული პირი;
- არ არის რეგისტრირებული მოვალეთა რეესტრში;
- არ აქვს სახელმწიფოს მიმართ საგადასახადო დავალიანება (გარდა იმ შემთხვევისა, თუ საგადასახადო დავალიანების გადახდევინება გადავადებულია ან მისი გადახდის ვალდებულება შეჩერებულია კანონის საფუძველზე).
პროგრამის განხორციელების ვადები:
მიმდინარე
მიმაგრებული ფაილები:
